---
title: "ഷെഡിൽ നിന്ന് വീട്ടിലേക്ക് മടങ്ങുന്നതിനിടയിൽ ദാരുണാന്ത്യം; പൂപ്പാറയിൽ കാട്ടാനയുടെ ആക്രമണത്തിൽ  47കാരൻ  കൊല്ലപ്പെട്ടു"
english_title: "Idukki Pooppara Wild Elephant Attack Death Vijayan Chakakomban"
publisher: "truevisionnews.com"
canonical_url: "https://truevisionnews.com/news/383862/ idukki-pooppara-wild-elephant-attack-death-vijayan-chakakomban"
published_at: "2026-09-23T09:12:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ab34ac540325_idukki-pooppara-wild-elephant-attack-death-vijayan-chakakomban.jpg"
keywords: ["Pooppara Elephant Attack", "Idukki Wild Elephant Death", "Chakakomban Elephant", "Kerala Elephant Attack"]
---

# ഷെഡിൽ നിന്ന് വീട്ടിലേക്ക് മടങ്ങുന്നതിനിടയിൽ ദാരുണാന്ത്യം; പൂപ്പാറയിൽ കാട്ടാനയുടെ ആക്രമണത്തിൽ  47കാരൻ  കൊല്ലപ്പെട്ടു

> **Lead Summary:** **പൂപ്പാറ: **സംസ്ഥാനത്ത് കാട്ടാനയുടെ ആക്രമണത്തിൽ വീണ്ടും ദാരുണാന്ത്യം. ഇടുക്കി പൂപ്പാറ പന്തടിക്കളം സ്വദേശി പി.വി. വിജയൻ ആണ് കാട്ടാനയുടെ ആക്രമണത്തിൽ കൊല്ലപ്പെട്ടത്. ഇന്ന് പുലർച്ചെയായിരുന്നു ഈ സംഭവം ഉണ്ടായത്. 'ചക്കകൊമ്പൻ' എന്ന് വിളിപ്പേരുള്ള കാട്ടാനയാണ് വിജയനെ ആക്രമിച്ചതെന്ന് നാട്ടുകാർ വ്യക്തമാക്കിയിട്ടുണ്ട്.

## Article Content

**പൂപ്പാറ: **സംസ്ഥാനത്ത് കാട്ടാനയുടെ ആക്രമണത്തിൽ വീണ്ടും ദാരുണാന്ത്യം. ഇടുക്കി പൂപ്പാറ പന്തടിക്കളം സ്വദേശി പി.വി. വിജയൻ ആണ് കാട്ടാനയുടെ ആക്രമണത്തിൽ കൊല്ലപ്പെട്ടത്. ഇന്ന് പുലർച്ചെയായിരുന്നു ഈ സംഭവം ഉണ്ടായത്. 'ചക്കകൊമ്പൻ' എന്ന് വിളിപ്പേരുള്ള കാട്ടാനയാണ് വിജയനെ ആക്രമിച്ചതെന്ന് നാട്ടുകാർ വ്യക്തമാക്കിയിട്ടുണ്ട്.

കഴിഞ്ഞ നാല് മാസത്തിനിടെ ഈ മേഖലയിൽ മാത്രം കാട്ടാന ആക്രമണത്തിൽ കൊല്ലപ്പെടുന്ന നാലാമത്തെ ആളാണ് വിജയൻ. ജോലിസ്ഥലത്തെ ഷെഡിൽ നിന്ന് രാവിലെ സ്വന്തം വീട്ടിലേക്ക് മടങ്ങുന്ന വഴിയിലാണ് ഇദ്ദേഹത്തിന് നേരെ കാട്ടാനയുടെ ആക്രമണമുണ്ടായത്. ഗുരുതരമായി പരിക്കേറ്റ വിജയൻ സംഭവസ്ഥലത്തുതന്നെ മരണപ്പെടുകയായിരുന്നു.

ചില ദിവസങ്ങൾക്ക് മുമ്പാണ് ഇടുക്കി ശാന്തൻപാറയിൽ കാട്ടാനയുടെ ആക്രമണത്തിൽ ഒരു അതിഥി തൊഴിലാളിക്കും ജീവൻ നഷ്ടമായത്. റോഡിലൂടെ നടന്നുപോവുകയായിരുന്ന യുവാവിനെയാണ് അന്ന് ആന ആക്രമിച്ചത്. ജോലി കഴിഞ്ഞ് താമസസ്ഥലത്തേക്ക് മടങ്ങുന്നതിനിടയിലായിരുന്നു ആ സംഭവം.

ഇതിനുപുറമെ, പാലക്കാട് അട്ടപ്പാടിയിലും കാട്ടാനയുടെ ആക്രമണത്തിൽ വിനോദസഞ്ചാരിയായ സ്ത്രീക്ക് ജീവൻ നഷ്ടപ്പെട്ടിരുന്നു. അട്ടപ്പാടി പരിപ്പന്തറയിൽ ഭവാനിപ്പുഴയുടെ തീരത്ത് നിൽക്കുമ്പോഴായിരുന്നു നായാടിക്കുന്ന് സ്വദേശിനിയായ 52 കാരി ബൂഷറയ്ക്ക് നേരെ ആനയുടെ ആക്രമണമുണ്ടായത്.

ഭവാനിപ്പുഴയുടെ തീരത്ത് ബന്ധുക്കൾക്കൊപ്പം നിൽക്കുമ്പോൾ പരിക്കേറ്റ ഇവർ താവളത്തെ സ്വകാര്യ ആശുപത്രിയിലെ ഐ.സി.യുവിൽ ചികിത്സയിലിരിക്കെ ഇന്നലെ വൈകീട്ട് 4 മണിയോടെയാണ് മരണത്തിന് കീഴടങ്ങിയത്. സംസ്ഥാനത്ത് വർദ്ധിച്ചുവരുന്ന കാട്ടാനയാക്രമണങ്ങൾ ജനങ്ങളിൽ വലിയ ആശങ്കയാണ് ഉണ്ടാക്കിയിരിക്കുന്നത്.

English Summary:

A 47-year-old man named Vijayan P V from Panthadikalam, Pooppara in Idukki died in a wild elephant attack early today. Locals say the tusker known as Chakakomban attacked him while he was returning home from his worksite shed. This is the fourth death in elephant attacks in the region in four months. Recently, a migrant worker died in Santhanpara and a tourist named Bushra (52) died after an elephant attack at Bhavani river bank in Attappadi, Palakkad.

### Related Links & Sources
- [Original Story Source](https://truevisionnews.com/news/383862/ idukki-pooppara-wild-elephant-attack-death-vijayan-chakakomban)